MNF Thalai chuan, he kawngpui siam hi kawng tinrengin a chhia a ni tih MNF Thalai a hmuna kalte chuan mit ngeiin kan hmu a. A hmanruate a chhiat bâkah cement proportion pawh a diklo nasa niin a lang an ti.

"Heng bâkah hian a hnathawh dan hmang pawh a chhe hrim hrim a. Siam zawh tawh laite pawh motor-in thla 2/1 a chilin a sawm kawi zek zuk a, PCC an chhun hi a chang lo hle bawk a ni," tiin an tarlang.

MNF Ṭhalaite chuan kawng chhiat êm êm chhan chu hna inpek dan dik lo, induhsakna uchuak vang niin contractor ni miah lovin ZPM nihna avanga hna a thawh vang a ni. Dan lova hna an inpek avang hian GST pawh sorkarin a chàn ta vek bawk a ni, an ti.

ZPM party mite hnathawh hian belh chian a dawl lo hlawm hle a. Chawngte bulah pawh ZPM Southern Hqrs Lunglei President C.Lalhmingliana kawng siam chu a chhe lutuk a, amahin a puakdarh hial a. Dampa biala Vanlalsailova sikul sak ho pawh a chhiatzia mipuite hrilhfak a tling a ni, an ti bawk.

MNF Thalaite chuan Sorkar thil tha tih a awm chuan kan fak a, sorkarin dik loa thil a tih chuan kan bei zel dawn a ni tih kan puan tawh thin ang khan kan kal zel ang, an ti.